Lamborghini Urus – SUV од 200.000 долари

Италијанската компанија Lamborghini го претстави нивниот најнов модел, Urus, кој е комплетно различен од сѐ што досега беше произведено од автомобилскиот гигант.

По легендарниот модел LM002, Lamborghini повторно влезе во светот на SUV возилата.

Urus e суперспортски автомобил заробен во тело на SUV, а најдобра потврда за тоа е 4-литарскиот V8 битурбо мотор, кој испорачува 650 коњски сили и има максимална брзина од 300 км/ч.

Тежината на Urus изнесува цели 2.154 килограми, а автомобил е заснован на истата MLB платформа која ја користат Bentley Bentayga, Audi Q7 и Porsche Cayenne.

Основната цена на Lamborghini Urus изнесува 170.000 евра, а цената оди нагоре во однос на опремата и перформансите кои ги претпочита купувачот.