Предводникот на Челси јавно го обелодени својот избор помеѓу двата најдобри фудбалери на денешницата.
Френк Лампард учествуваше на Q&A session for Hyundai каде одговараше на прашања. Доби едно незгодно кога требаше да направи избор помеѓу Лео Меси и Кристијано Роналдо.
„Ќе одам со Меси поради неговиот чист и природен талент. Но, она што Роналдо го има направено е навистина неверојатно“, рече Лампард.
Додека настапуваше за Челси тој неколку пати играше против Барселона на Меси, но за двајца негови соиграчи вели дека биле најтешките противници кои некогаш ги имал.
„Тие двајца се Чави и Иниеста. Беа одлични фудбалери, тие не беа високи и беа прилично ниски. Тоа покажува дека висината е небитна, бидејќи често луѓето мислат дека за да бидеш фудбалер треба да си огромен. Тоа воопшто не е точно“, смета стратегот на Челси.
