Во ниската орбита на Земјата е лансиран прототип на кинески робот кој има функција на чистење вселенски отпад.
Роботот NEO-01 поседува голема мрежа со која ќе го собира вселенскиот отпад, а неговата втора функција е да ги набљудува помалите небесни тела. Развиен е од компанијата Origin Space од Шензен, а тежи околу 30 килограми.
Од 50-тите години на минатиот век во ниската орбита на Земјата се лансирани илјадници сателити, а со текот на времето стануваат нефункционални и се претвораат во опасен вселенски отпад кој може да оштети или да уништи други функционални сателити или летала со екипаж.
Origin Space сака да лансира десетина вселенски телескопи и летала за да ја започне првата комерцијална операција на вселенско рударење ресурси од астероиди до 2045 година.
Во моментов има околу 9.000 тони вселенски отпад во ниската орбита на Земјата, вклучително и телекомуникациски и GPS системи, како и системи за временска прогноза.
Кина ги забрзува плановите за спуштање сонда на астероид за да се соберат примероци, а забрзани се и плановите за креирање заштитен систем на Земјата од астероиди.