Новиот претседател на каталонскиот клуб доаѓа во критично време кога атмосферата во клубот е на ниско ниво, а иднината на капитенот е нестабилна и се заканува негово заминување.
Жоан Лапорта е повторно претседател на Барселона откако претходно го водеше клубот во периодот од 2003 до 2010 година. Сега, 11 години подоцна, повторно е на чело на гигантот од Каталонија откако синоќа положи заклетва како нов претседател.
„Во моето прво претседателствување ги имавме најдобрите играчи во историјата на Барса, но бевме успешни бидејќи имавме стабилност. Единството на Барселона е она кое ја дава стабилноста и затоа ги повикувам сите да размислат што можат да направат за Барса“, рече тој за време на свеченото обраќање.
„Овде сум за да носам одлуки, како тоа да го убедам Лео да остане, да го искористи фактот дека веќе е тука. Тој го знае тоа“
Потоа му се обрати директно на Меси.
„Знаеш колку те ценам и ќе направиме сѐ што е потребно за да те задржиме тука. Знаеш дека не можеш да си одиш, Лео. Нема да можеме да го постигнеме тоа сами. Како што вели нашата химна, ние заедно сме силни. Тоа уште повеќе значи во овие тешки времиња. Но, ние знаеме што да направиме“
Меси е во Барса од свои 13 години и нема никогаш заиграно за друг клуб на сениорско ниво. Со лапорта на Чело, а Меси на терен, Барса во периодот 2003-2010 освои 4 титули во Ла Лига, 2 во Лигата на шампионите, 3 шпански Суперкупа, и по 1 во Копа деј Реј, УЕФА Суперкуп и Светско клупско првенство.