Швајцарката Лара Гут Бехрами беше најбрза на првата трка на Светското првенство во алпско скијање во италијанскиот зимски центар Кортина д'Ампецо.
Таа до златото во супервелеслалом денес стигна со време од 1:25.51 минута, што беше за 34 стотинки подобро од сонародничката Корине Сутер.
На победничкиот подиум место имаше и за третопласираната Микаела Шифрин од САД која доцнеше 47 стоти делови од секундата зад времето на победничката.
Светското првенство во алпско скијање требаше да почне во понеделникот, а лошите временски услови беа причина за негово одложување.
За денес е закажан и машкиот супервелеслалом. Почетокот на оваа трка е во 13 часот, а директен пренос ќе врши МРТ3.