Хароината со која во почетокот на 2000-ти се прослави Анџелина Џоли, во март се враќа на големото платно.
Во улогата на Лара Крофт ќе ја видиме младата шведска актерка Алисија Викандер која, судејќи по новиот трејлер за филмот, нема да ги изневери обожавателите на „Tomb Raider“.
Улогата на Лара Крофт ја прифатила поради фактот дека дури и мајка ѝ знаела што е „Tomb Raider“, благодарение токму на Џоли која од хероината од видеоигра направи незаборавен женски акционен јунак.
Дополнителен мотив за прифаќање на оваа улога што бара голема физичка подготвеност, била можноста да го прикаже овој легендарен лик од различни агли.
„Лара има фантастична комбинација на особини – паметна, ранлива, остра, и растура! Едноставно се разликува од сите ликови што сум ги толкувала досега. Овој проект е возбудлив бидејќи е предизвик да се совлада една ваква тешка улога“, рече Викандер.
Новиот филм ќе има кинопремиера во март годинава.