Ерупцијата на вулканот Кумбре Виеха на шпанскиот остров Ла Палма сѐ уште трае, а утринава реките од лава уништија неколку градби што ѝ се попречија на патот на лавата.
Магма уништи најмалку четири куќи во селото Каљехон де ла Гата. Вулканот Кумбре Виеха започна да еруптира на 19 септември, уништувајќи повеќе од 800 градби и принудувајќи евакуација на околу 6.000 луѓе од нивните домови на островот.
Ла Палма, со население од околу 83.000 жители, е еден од Канарските Острови во Атлантикот.
Рано денеска, молња светна во близина на ерупцијата. Студија објавена во 2016 година во списанието Geophysical Research Letters покажа дека молња може да настане за време на вулкански ерупции поради судир на честички од пепел и електрично полнење.
Лавата од вулканот зафати 150 хектари земјоделско земјиште, од кои повеќето се користат за одгледување банани, што е една од главните култури на островот. Аеродромот во Ла Палма е затворен од четвртокот поради пепел, соопшти шпанската авиокомпанија Aena.