Lazareth LM847 за прв пат беше претставен на автомобилскиот саем во Женева во март, а многу лесно може да се вброи меѓу најлудите мотоцикли било кога направени.
Иако по објавувањето на првичните фотографии беше неизвесно дали е возможно да се вози овој модел, сепак видеото покажува дека моќниот Lazareth не е тежок за возење.
Погонот на LM847 е V8 агрегатот од Maserati кој има зафатнина од 4,7 литри. Развива неверојатни 470 коњски сили и нуди перформанси кои се импресивни дури и за автомобил, а не пак за мотор.
Lazareth LM847 всушност има четири тркала кои се поврзани за да му овозможат вртење на ѕверот тежок 400 килограми.
Мана на овој француски мотоцикл е што има само една брзина, што значи дека е непрактичен за секојдневно возење. Сепак, никој не купува ваков модел поради практичноста, туку поради неверојатниот изглед, вниманието што го привлекува и моќта со која располага.