Најдобриот македонски ракометар откри зошто на својот дрес го носи бројот 7. Како што вели, порано играл кошарка, а омилен играч му бил Тони Кукоч.
Кирил Лазаров денес е легенда на македонскиот ракомет, Веројатно најдобриот ракометар кој се појавил на нашиве оростори. Но, како што открива во интервју за хрватскиот 24sata.hr, лесно можело наместо ракометар Лазаров да стане кошаркар.
„Прво започнав да играм кошарка. Во петто одделение идол ми беше Кукоч и го носам дресот со број 7 заради него. Заради мојот татко се префрлив во ракометот. Тој беше врвен ракометар, играше за Вардар во тогашната југословенска лига. Ми беше незгодно заради него, тој да биде ракометар, а син му да фрла на кош", открива Лазаров.
Тони Кукоч е легендарен југословенски и потоа хрватски кошаркар. Откако растурал во дресот на Југопластика, преку италијански Бенетон стигнал до НБА. Играше за Чикаго Булс во времето на Мајкл Џордан и Скоти Пипен. Потоа заигра и за Филаделфија 76-ерс, Атланта Хокс и се пензионираше во 2006 во дресот на Милвоки Бакс,
