Доцна синоќа, со нов анонимен телефонски повик во Министерството за внатрешни работи било пријавено дека е подметната бомба која ќе го крене Собранието на Република Македонија во воздух.
Непознато лице се јавило синоќа во 23.02 часот во полиција и пријавило дека има бомба во Собранието, по што веднаш Единиците за антитероризам излегле на терен. Сепак, дојавата била лажна и дошла од говорница од затворот Идризово. Лицата кои во тоа време биле присутни во Собранието биле евакуирани.
Ова е втор ваков обид за неколку денови откако викендов пијан маж се закани дека ќе ја ракетира Владата РМ. Полицијата веднаш преземала мерки по што утврдила дека станува збор за 60 годишниот С.Ј од Скопје. При претресот кај него бил пронајден мобилниот телефон од кој се јавил на 192.