За помалку од 20 минути направете фантастично јадење кое освојува на прв залак.
За појадок, ручек или вечера направете ја оваа извонредна лажна пита со бело месо, тврд кашкавал и домати.
Ако сте љубител на пити или омлет, во тој случај овој рецепт дефинитивно ќе ви се допадне. Ова е нешто помеѓу две јадења, а не можеме да го наречеме пита бидејќи нема ниту корки ниту тесто. А, не и ни баш омлет, но затоа ќе биде највкусното нешто што сте го пробале. Го нарековме лажна пита.
Се прави од бело месо кое се прелива со јајца кои претходно се матат со крем сир, а потоа се посипува со рендан кашкавал кој при печењето се топи и растегнува при секој залак.
Уживајте во ова преубаво јадење кое лесно и брзо се подготвува.
- 1 пилешко филе
- 2 лажици путер
- 3 јајца
- ½ лажичка оригано
- 2 лажици брашно
- 1 лажица крем сир
- 50 мл јогурт
- магдонос
- 2 домата
- 100 гр тврд кашкавал
- сол
- бибер
Белото месо исечете го на коцки и пропржете го на растопен путер. Посолете и побиберете. Јајцата посолете ги и побиберете ги, нафрлете оригано и изматете. Додадете брашно и продолжете да матите. Додадете крем сир и сѐ добро соединете со миксер или маталка. Додадете сечкан магдонос, турете јогурт и промешајте, па прелијте над белото месо. Доматите исечкајте ги на кругови, на наредете ги на врвот. Сето тоа посипете го со рендан кашкавал, па поклопете. По 10 минути јадењето е готово и подготвено за сервирање.
Или, следете ги постапките на видеото:
