Кошаркарите на Детроит Пистонс беа поразени на домашен терен од Лос Анџелес Лејкерс со 115:121, а натпреварот го одбележа ударот на Леброн над Стјуарт по кој речиси дојде до општа тепачка.
Детроит имаше 15 поени предност во пресрет на последната четвртина, но и тоа не беше доволно за да слави. Лејкерс направија феноменална серија и успеаја да ја надоместат негативата, на крајот ја забележаа и деветтата сезонска победа, а на своето конто имаат и 9 порази. Детроит, пак, има скор 4-12.
Лејкерс до победата ги предводеше Ентони Дејвис со 30 поени и 10 скока, а одличен беше и Расел Вестбрук со 26 поени, 10 скока и 9 асистенции.
На Пистонс не им помогна ниту расположениот Џерами Грант со 36 поени, а Хамиду Диало додаде 17 поени.
Инаку, натпреварот го одбележа и дуелот меѓу Леброн Џејмс и Ајзеа Стјуарт, кој во еден дуел доби жестока тупаница во лицето од ѕвездата на Лејкерс и заработи исклучување на почетокот на третиот период.
Потоа следуваше голема мешаница на паркетот и страстите едвај се смирија, а до тој момент Џејмс постигна 10 поени.
Лос Анџелес Клиперс на домашен терен го совлада Далас Маверикс со 97:91, а меѓу гостите го немаше Лука Дончиќ. Во победничкиот тим Пол Џорџ постигна 29 поени, а Реџи Џексон 23. Кај гостите се истакнаа Кристапс Порзињѓис со 25 и Џејлен Брунсон со 20 поени.
Денвер Нагетс без повредениот Никола Јокиќ претрпе убедлив пораз од Феникс Санс со 126:97. Камерон Џонсон со 22 и Деандре Ајтон со 21 поен беа најефикасни кај Феникс, додека во редовите на Денвер Џеф Грин постигна 19, а Арон Гордон 16 поени.
Лос Анџелес Клиперс - Далас Маверикс 97:91
Детроит Пистонс - Лос Анџелес Лејкерс 116:121
Чикаго Булс - Њујорк Никс 109:103
Феникс Санс - Денвер Нагетс 126:97
Голден Стејт Вориорс - Торонто Репторс 119:104