Леброн Џејмс оваа сезона не влезе во плејофот со ЛА Лејкерс, но останува во контакт со навивачите, па вечерва цел час одговараше на нивните прашања на Twitter.
Опфати и приватни, и професионални теми, а меѓу другото на светот му откри дека омилен играч во моментов му е Лука Дончиќ.
Го прашале кој бил најлошиот момент во неговата кариера и како го пребродил.
„Пораз во финалето од Далас кога играв како гомно. Се ресетирав, се вратив на основите, работев на деловите во мојата игра каде што требаше да бидам подобар, за да не мора одбраната да се потпира само на една работа. Потрошив толку многу часови и часови и часови секој ден во текот на летото и се враќав подобар и подобар“, одговори тој.
Леброн рече дека омилена книга му е „Алхемичарот“, омилени филмови му се „Гладијатор“ и „Кум“, а омилено место за одмор - Капри во Италија.
Сепак, повеќето прашања се сведоа на кошарката, па дознавме дека омилен момент во дресот на Лејкерс му е победничкиот шут против Денвер во финалето на Западната конференција во 2020 година.
Ако треба да избере соиграч за „два на два“ против Мајкл Џордан и Скоти Пипен, тој би ги избрал Коби Брајант, Кевин Дурант или Кајри Ирвинг, а во идеалното натпреварување во забивање тој, Винс Картер, Зак ЛаВин и Доминик Вилкинс. но не и Џордан.
Тој потврди дека неговиот сон е да игра во истиот НБА тим со син му Брони и откри како завршило кога последен пат играле заедно:
„Последниот пат ја скршив таблата при забивање и не можевме да го завршиме натпреварот“.