Во текот на ноќта во НБА лигата се одиграа 11 натпревари, а посебно се издвојува дуелот помеѓу Милвоки и ЛА Лејкерс.
Лејкерс изненадувачки триумфираа на гостувањето кај Милвоки со резултат 133:129, најмногу благодарение на Ентони Дејвис, кој натпреварот го заврши со 44 поени и 10 скока, но по натпреварот целото внимание беше насочено кон Леброн Џејмс.
Џејмс постигна 28 поени и имаше 8 скока и 11 асистенции, што на крајот му овозможи да стане шестиот најдобар асистент во историјата на НБА.
Леброн сега има 10.144 асистенции на своето конто и го надмина легендарниот Меџик Џонсон (10.141). Следен пред Леброн е Марк Џексон со 10.334 асистенции.
Од останатите натпревари, вреди да се издвои новата одлична партија на Никола Јокиќ, кој постигна 24 поени, 10 скока и 8 асистенции во поразот на Денвер од Атланта, и неговиот истоименик Вучевиќ, кој постигна 23 поени и 11 скока во поразот на Чикаго од Голден Стејт (119:111).
Шарлот - Вашингтон 17:116
Бостон - Мајами 116:120
Бруклин - Торонто 114:105
Кливленд - Орландо 107:96
Мемфис - Филаделфија 117:109
Сан Антонио - Њу Орлеанс 99:117
Феникс-Хјустон 121:122
Јута - Индијана 139:119.