Првата ѕвезда на Лос Анџелес Лејкерс, Леброн Џејмс, ја оцени моменталната позиција на тимот по неуспехот на домашен терен на средбата со Индијана (104:111).
До овој меч Пејсерс претрпеа 10 порази во 11 натпревари.
– Сега има големо разочарување кај мене, тоа е сигурно. Ми се чини дека имаме доволно добар тим за да победуваме и да имаме повеќе од 50 проценти од победите. Но, нашиот резултат не е таков. Ние сме тоа што сме. Пред нас е гостување, ќе се тестираме во натпревари со голем број силни противници, изјави Леброн.
Синоќа, Џејмс на дуелот со Индијана имаше 30 поени, 12 скока, пет асистенции и две украдени топки, но и тоа не беше доволно Лејкерс да го избегнат поразот.
Во моментов тимот од Лос Анџелес има биланс 22 победи и 23 порази и се наоѓа на 8. место на табелата во Западната конференција од НБА-лигата.
