Леброн ја шокираше НБА: Еден час пред Ол-стар соопшти дека нема да игра

Леброн Џејмс (40), еден од најдобрите кошаркари на сите времиња, многу ја изненади американската спортска јавност.

Дојде во Сан Франциско и таму во Чејс центарот каде се игра Ол-стар натпреварот присуствуваше на претставувањето на играчите, но само еден час пред натпреварот соопшти дека нема да игра. Со тоа заврши серијата на Леброн од рекордни 20 настапи (2005-2024) на најпрестижното кошаркарско шоу.

„Сè уште чувствувам болка во стапалото и глуждот. За жал, нема да играм вечерва поради тоа. Се надевав дека ќе се чувствувам подобро кога ќе се разбудам, но не беше она на што се надевав. Со оглед на тоа што преостанаа 30 натпревари на Лејкерс од регуларната сезона и нашата желба да притискаме колку што е можно посилно на дивиот, див Запад, сметам дека е важно да се грижам за себе и да разберам што следи.“

Леброн требаше да игра во тимот на Шекил О'Нил во новиот Ол-стар формат заедно со Стеф Кари, Кевин Дурент и Ентони Дејвис, за што неодамна изјави: „Навистина се радувам на новиот формат, ова е прва година како оваа. Знам дека имаме многу одлични играчи. Нè нарекуваат OG (original gangsters), што е супер. Имаме неколкумина со седа коса, така што има смисла. Ќе биде навистина интересно“.

LeBron James says he will not play in tonight’s All-Star Game. pic.twitter.com/0rOfjcPxpz
— Mike Curtis (@MikeACurtis2) February 16, 2025

Нов формат на Ол-стар натпреварите

Ол-стар натпреварот вообичаено беше пресметка меѓу најдобрите играчи од Источната и Западната конференција, но оваа сезона има мини-турнир со четири тима, играјќи вкупно три натпревари - две полуфиналиња и едно финале.

Од секоја конференција влегуваа по осум играчи, по што легендите на НБА и денешните стручни коментатори Шекил О'Нил, Чарлс Баркли и Кени Смит ги избраа своите тимови. Поранешната американска кошаркарка Кендис Паркер имаше тим од нови ѕвезди.

Ноќта од неделата кон понеделникот, избраниците на Чарлс Баркли го совладаа тимот на Кени Смит со 41:32, додека тимот на Шекил О'Нил ги надигра избраниците на Кендис Паркер со 42:35. Во финалето избраниците на Шек славеа со 41:25 над кошаркарите на Баркли.

Вака требаше да изгледаат Ол-стар тимовите:

Тимот на Шекил О'Нил:

Леброн Џејмс (ЛА Лејкерс)

Ентони Дејвис (Далас Маверикс)

Кевин Дурент (Феникс Санс)

Џејмс Харден (ЛА Клиперс)

Стеф Кари (Голден Стејт Вориорс)

Џејсон Тејтум (Бостон Селтикс)

Демијан Лилард (Милвоки Бакс)

Џејлен Браун (Бостон Селтикс)

Тимот на Чарлс Баркли:

Никола Јокиќ (Денвер Нагетс)