Леброн Џејмс случајно налета на судијата Скот Фостер доцна во втората четвртина од натпреварот 3 од финалето на Западната конференција, и му ја раскрвави усната.
Денвер Нагетс победија со 119:108, поведоа со 3:0 и беа блиску до пласман во финалето на сезоната во НБА, особено што никој во историјата не стигна до толкава негатива.
Џејмс тргна во транзиција по кошот на Џамал Мареј. Суперѕвездата на Лејкерс гледаше во топката и не следеше што беше пред него, па налета на Фостер и го удри во лицето во моментот кога имаше свирче во уста. На Фостер почна да крвари устата, а лекарите на Лејкерс мораа да интервенираат.
Џејмс рече дека веќе бил во спринт, а потоа му се извини на Фостер. Судијата потоа се пошегува: „Чекаше 25 години за ова“.
Ѕвездата на Лејкерс натпреварот го заврши со 23 поени, 12 асистенции и седум скока. Ентони Дејвис имаше 28 поени и 18 скока за клубот од ЛА, додека Нагетс ги предводеа Мареј со 37 и Никола Јокиќ со 24 поени.
