Денвер Нагетс ќе го играат своето прво НБА финале, а најзаслужен за тоа е, кој друг ако не, Никола Јокиќ.
Денвер ноќеска го победи Лос Анџелес Лејкерс на гостински терен со 113:111 и го збриша славниот клуб со 4-0 во партии - благодарение на маестралниот Никола Јокиќ.
Леброн Џејмс даде с од себе Лејкерс да избегнат елиминација, дуелот го заврши со дабл-дабл од 40 поени, 10 скока и 9 асистенции, но и тоа не беше доволно бидејќи на другата страна беше Јокиќ.
Српскиот центар постигна 30 поени со 14 скока и 13 асистенции и постави рекорд кога станува збор за трипл-дабл учинок во еден плеј-оф.
Јокиќ направи 8 од нив, а претходен рекордер беше Вилт Чејмбрлејн, кој пред 56 години постигна 7 трипл-дабл ефекти.
Јокиќ ги постигна последните поени на натпреварот на 51,1 секунда пред крајот, а Леброн имаше можност да го одведе мечот во продолжение, но неговиот удар беше изблокиран од Арон Гордон на 1,1 секунда пред сирената да означи крај.
Во големото финале Денвер Нагетс ќе играат против подобриот од серијата Мајами Хит - Бостон Селтикс. Моментално е 3-0 за Мајами и Јокиќ најверојатно против нив ќе има можност да ја освои првата титула во НБА.