Леброн одличен ама недоволен, Филаделфија ги изненади Лејкерс

Во ноќта зад нас се одиграа само четири натпревари на НБА паркетите, но имаше и возбудувања и изненадувања во кои се издвојуваат победите на Филаделфија и Портланд.

Леброн Џејмс одигра одличен натпревар за својот Лос Анџелес Лејкерс, но недоволно за победа против Филаделфија 76ерс. Домашната екипа изненадувачки победи со 118:104.

Џејмс како во најдобрите денови постигна 31 поен, 9 асистенции и 8 скокови, но на другата страна беше надминат од Тајрис Макси со фантастични 43 поени.

Изненадување беше и победата на Портланд Треил Блејзерс над Милвоки Бакс од 125:112. Колку што самиот триумф на Трејл Блејзерс е изненадување, она што е уште поизненадувачки е начинот на кој го постигнаа со толку импресивна разлика.

На гостите не им помогна ниту тоа што Јанис Адетокунбо постигна 39 поени, 12 скока и 5 асистенции.

Атланта Хокс беа поразени на домашен терен од Хјустон Рокетс со 100:96, а ниту овој пат во домашниот тим го немаше Богдан Богдановиќ, кој поради „лични причини“ сѐ почесто ги пропушта натпреварите, а сѐ појасно е дека го чека трејд во иднина.

Дури и неговата Атланта на официјалните канали објави дека српскиот кошаркар не е таму поради лични причини.

Поголема возбуда немаше во релативно лесната победа на Голден Стејт Вориорс над Јута Џез со 114:103.

Резултати:

Атланта Хокс - Хјустон Рокитс 96:100
Филаделфија 76ерс - Лос Анџелес Лејкерс 118:104
Голден Стејт Вориорс - Јута Џез 114:103
Портланд Треил Блејзерс - Милвоки Бакс 125:112

Табела: