Еден од најдобрите кошаркари во светот Леброн Џејмс вчера одржа говор на свеченоста во Стејплс Центар со која Лејкерс му оддадоа почит на прерано загинатиот Коби Брајант и неговата ќерка Џијана.
Леброн имал подготвено говор, но кога го зеде микрофонот, емоциите го совладаа и тој го фрли ливчето и почна да зборува од срце, неможејќи да ги задржи, ни да ги скрие солзите.
„Првата работа што ми паѓа на памет е семејството. Сите сме тажни во оваа сала, повредени и со скршени срца. Сепак, најдоброто нешто што треба да се направи во толку тешки времиња е да се потпреме на семејството. Пред да дојдам овде, само имав слушнато колку се обединети навивачите на Лејкерс и сите во организацијата и во последните неколку дена се уверив во тоа“, рече, меѓу другото, Леброн.
Тој ја откри и новата тетоважа, во чест на големиот пријател и играч – „Црната мамба“ – со ружи и броевите 8 и 24, кои Коби ги носеше на дресот на Лејкерс.
