Кошаркарот на Лос Анџелес Лејкерс, Леброн Џејмс ноќеска на натпреварот со Индијана Пејсерс имаше 12 скока и со тоа ја достигна границата од 10.000 скока во кариерата.
Џејмс стана 42-от кошаркар во историјата на НБА со 10.000 скока. Единствените активни играчи кои претходно имаат вакво постигнување се соиграчите на Леброн, Двајт Хауард и ДеАндре Џордан.
Во исто време, Џејмс стана првиот играч во историјата на лигата кој успеал да постигне 30.000 поени, 10.000 скока и 9.000 асистенции во кариерата.
Триесет и седумгодишниот Џејмс ја игра својата 19-та сезона во НБА.
