Ледената плоча Амери го создаде својот најголем леден брег во изминативе 50 години, објави BBC.
Отцепениот леден брег има површина од 1.636 квадратни километри и е малку помал од шкотскиот остров Скај. Го доби името D28.
Големината на ледениот брег укажува на тоа дека ќе мора да се следи неговото движење, бидејќи би можело да претставува опасност за бродовите.
Амери немаше „произведено“ леден брег од 60-тите години на 20. век, кога се одвои брег со површина од 9.000 квадратни километри.
Амери е третата најголема ледена плоча на Антарктик и е клучен одводен канал за источниот дел на континентот. Плочата е всушност продолжен дел на бројни глечери што се движат од копното кон морето.
Дебелината на ледениот брег изнесува околу 210 метри, а тежината над 315 милијарди тони.
