Легендарниот голман на Јувентус, Џанлуиџи Буфон, одговори на повикот на репрезентацијата на Италија, иако после поразот од Шведска се чинеше дека неговата репрезентативна кариера е готова.
Буфон смета дека тој е клучен елемент кој ги обединува играчите во соблекувалната на репрезентацијата, а истакна дека е личност со чувство на одговорност.
„Јас сум доследна личност со големо чувство на одговорност. Тоа е веќе доволно за да бидам присутен во репрезентацијата, а исто така, секогаш бев елемент кој ги обединуваше играчите и во националниот тим, каде моето присуство секогаш се следи во тоа светло. Некои млади момци растат, некои стигнале да ја водат екипата и сите тие ќе добијат шанса“, изјави голманот на Јувентус.
„Давид Астори е уште една од причините зошто сум овде и зошто го прифатив повикот“, изјави популарниот Џиџи.
Репрезентацијата на Италија во петок во Манчестер ќе се сретне против Аргентина, а потоа во вторник ќе игра против Англија.