Членовите на оригиналната постава на легендарната рок група „Kiss“, Џин Симонс и Ејс Фрејли се појавија заедно прв пат откако во 2014 година овој состав беше внесен во Куќата на славни на рокенрол музиката.
За разлика од таа кратка церемонија, пред два дена на стадионот во Сент Пол одржаа заедно цел концерт после 16 години.
Концетот беше одржан со цел собирање на средства за помош на жртвите од ураганот во Тексас.
Фрејли на сцената се појави во последната четвртина од настапот на Симонс и со поранешниот колега заедно ги отсвири хитовите Cold Gin, Shock Me и за крај Rock and Roll All Nite.
Групата „Kiss“ беше основана кон почетокот на 70-тите години од минатиот век, а покрај Симонс и Фрејли оригиналната постава ја сочинуваат уште и Пол Стенли и Питер Крис.
Бендот набргу после основањето го привлече вниманието на јавноста со својата шминка, катрактеристични костими и сценските настапи.
Стенли и Симонс се и понатаму дел од групата.