Светскиот ракометен великан Раул Гонсалес Гутиерес е новиот селектор на српската ракометна репрезентација, пренесуваат српските медиуми.
Бомбастичната вест ги воодушеви ракометните фанови во Србија. Репрезентацијата во иднина ќе ја предводи прославеното шпанско ракометно име Раул Гонсалес, кој во својата колекција има освоени трофеи ширум Европа.
Гонсалес (54) го предводеше македонски Вардар до најголемиот успех во историјата, освојувајќи ја Лигата на шампионите во 2017 година.
За неговата репутација во ракометниот свет најдобро говори фактот што со години го водеше Пари Сен-Жермен и со него освои дури 11 трофеи. Беше селектор на македонската репрезентација, а работеше и како асистент во Сиудад Реал и Атлетико Мадрид.
Како што пренесува српски Журнал, преговорите меѓу Ракометниот сојуз на Србија и Гонсалес траеле многу кратко и на оваа одлука се одлучиле челниците на здружението по поразот од Италија во неделата.
Исто така, се известува дека тој потпишал договор на четири години, до крајот на Олимписките игри во Лос Анџелес.
Гонзалес го очекува период во кој полека ќе може да го состави тимот и да се подготвува за продолжението од квалификациите, бидејќи ракометарите на Србија се слободни до март. Потоа ќе играат против сопствената Шпанија.
