Двајца легендарни фудбалери на Јувентус не трошеа зборови критикувајќи го Португалецот поради неговото заминување од Торино пред самиот крај на преодниот период.
Роналдо се врати во Манчестер Јунатед напуштајчи го Јувентус на само неколку дена пред истекот на летниот преоден рок. Но, начинот на кој си замина, буквално како да бега, наиде на критика од страна на две легендарни фудбалери на „Бјанконерите“ кои говорејќи за Tuttosport упатија критики кон него.
„Јувентус заслужува многу поголема почит. Не очекував од Роналдо на ваков начин да избега. Тоа не беше убаво од него“, вели поранешниот стопер Серџо Брио кој за Јуве одгра 385 натпревари од 1978 до 1990 година.
„Секогаш зборувам со почит кон трите клуба за кои играв: Јувентус, Лече и Пистојезе, бидејќи ме донесоа кај нив и веруваа во мене. Кристијано е голем професионалец, но неговото заминување требаше да биде поинакво“, додава тој.
Сепак, тој се согласува дека заминувањето било неминовно, за доброто на двете страни.
„Можеби не се разделија еленгантно, но убеден сум дека одлуката беше исправна и за играчот и за клубот. Доколку некој играч е приморан да остане, може да направи штета кон соиграчите и клубот“, завршува Брио.
Неговото мислење го дели уште едена легенда на „Старата дама“ и тоа Алесио Такинарди кој во Јуве дојде во 1994 година и играше сѐ до 2005. Како играч од средниот ред настапи на вкупно 404 натпревари.
„Роналдо требаше поинаку да си замине, не со приватен авион додека Алегри му се обраќаше на тимот пред натпреварот со Емполи. Очекував прес-конференција на која ќе се збогуваше со навивачите. Тие заслужија поинаков однос“, вели Такинарди.
„Нема повеќе легенди како Дел Пјеро, Тоти, Младини и Занети, но убаво беше да се чуе од Роналдо дека се враќа назад онаму каде што се чувствува како дома“, додава.
„Но, тој го стави Јувентус во тешка позиција, заминувајќи си неколку дека пред крајот на трансфер периодот. Невозможно е да се замени таква гол-машина како него“.
