Филм & ТВ

„The Lego Movie 2“ лесно до врвот на бокс-офисот

11. февруари 2019 - 11:37 | Б.С.Б.

Вториот дел од филмот „The Lego Movie“ лесно се најде на првото место на бокс-офисот, со 35 милиони долари. Филмот ги разочара очекувањата за спектакуларна премиера, но тој не беше единственото промашување на бокс-офисот.

Иако очекувањата за анимираниот „The Lego Movie 2“ беа високи, со оглед на огромниот успех на првиот дел, сепак според Пол Дергарабдиан од Comscore, студиото се надева дека филмот ќе доживее поголем успех во светски рамки. Во филмот гласовите ги позајмуваат Крис Прет, Елизабет Бенкс, Вил Арнет, Вил Ферел и други. Првиот дел заработи 469 милиони долари на светско ниво.

Римејкот „What Men Want“ на комедијата „What Women Want“ од 2000 година дебитираше со 19 милиони долари. Неславно помина и премиерата на „Cold Pursuit“, со заработка од 10.8 милиони долари.

Ова е целосната листа на најгледани филмови во САД и Канада во текот на изминатата недела:

1. „The Lego Movie 2: The Second Part" - 35 милиони долари 

2. „What Men Want" - 19

3. „Cold Pursuit" - 10.8 

4. „The Upside" - 7.2

5. „Glass" - 6.4

6. „The Prodigy" - 6 

7. „Green Book" - 3.6 

8. „Aquaman" - 3.3 

9. „Spider-Man: Into the Spider-Verse" - 3 

10. „Miss Bala" - 2.7 милиони долари.

Коментирај