Актуелниот шампион втор пат сезонава загуби од лутиот градски ривал кој ги искористи отсуствата кај Лејкерс и забележа убедлив триумф.
Лос Анџелес Клиперс од самиот почеток го зеде водството кое само го зголемуваше, во три наврата имаше +11 во првата четвртина која на крајот ја доби со 27:20.
Немоќниот Лејкерс ги загуби и втората и третата (26:18 и 24:17), а успеа да ја добие само последната четвртина (27:31) колку да го ублажи поразот кој на крајот на семафорот гласеше 104:86.
Доста ослабен беше шампионот на оваа дерби средба со оглед на тоа што Ентони Дејвис беше во аут поради повреда на ахиловата тетива, Леброн Џејмс има повреда на зглобот, а не беа во комбинација ниту Џеред Дадли и новодојдениот Андре Драмонд.
Најефикасен на паркетот беше Маркус Морис со 22 поена, додека дабл-дабл забележа Каваи Ленард со 19 поени и 10 асистенции, а за трипл-дабл му недостасуваа само две асистенции. Кај шампионот најмногу поени постигна Монтрез Харел, 19.
Клиперс сега има скор од 33-18 и е на третото место на Западот зад Феникс Санс и лидерот Јута Џез, додека Лејкерс има 31-19 и е петти. Ова беше четврто градско дерби сезонава, а скорот е 2-2 откако Лејкерс победи на првите две средби.
Резултати:
Чикаго Булс - Бруклин Нетс 115:107
Лос Анџелес Клиперс - Лос Анџелес Лејкерс 104:86
Бостон Селтикс - Шарлот Хорнетс 116:86
Филаделфија 76ерс - Мемфис Гризлис 100:116
Атланта Хокс - Голден Стејт Вориорс 117:111
Хјустон Рокитс - Њу Орлеанс Пеликанс 115:122
Денвер Нагетс - Орландо Меџик 119:109
