Лејкерс на неверојатен начин загубија од Орландо

Ноќеска се одиграа четири натпревари во НБА лигата, а најголемото изненадување го видовме во „Стејплс Сентр“ каде Лос Анџелес Лејкерс беше на неверојатен начин поразен од Орландо Меџик.

Лејкерс на 27 секунди до крајот на мечот имаа предност од 118:114 и се чинеше дека ќе победат.

Но, по кошот на Франц Вагнер за 118:116, Ентони Дејвис промаши две слободни фрлања, а потоа Вагнер погоди тројка на 3 секунди пред крајот на натпреварот за Орландо да победи со 119:118.

Германецот Вагнер натпреварот го заврши со 37 поени, 11 асистенции, 6 скока и 4 украдени топки, а на другата страна најефикасен беше Дејвис со 39 поени и 9 скока. Леброн Џејмс постигна 31 поен со 10 скока и 7 асистенции.

Торонто Репторс ја победи Минесота со 110:105. Во победничкиот тим Реџеј Барет постигна 31 поен, а Ентони Едвардс 26 поени за Минесота.

Шарлот ја прекина серијата од 4 порази и по продолжение го совлада Детроит со 123:121, додека Сан Антонио без Виктор Вембанјама ја забележа втората победа во низа, овој пат против Јута со 126:118.

Резултати:

Шарлот Хорнетс - Детроит Пистонс 123:121 прод.
Торонто Репторс - Минесота Тимбервулвс 110:105
Сан Антонио Спарс - Јута Џез 126:118
Лос Анџелес Лејкерс - Орландо Меџик 118:119

Табелa: