Лос Анџелес Лејкерс се незапирливи и заедно со Кливленд Кавалирс се во најдобра форма во НБА.
Предводени од Лука Дончиќ и Леброн Џејмс, Лејкерс по продолжение го совладаа Њујорк Никс со резултат 113:109 и ја продолжија победничката серија на осум натпревари.
Победничката серија започна на 21 февруари против Портланд, а потоа паднаа Денвер, Далас, Минесота, ЛА Клиперс двапати, Њу Орлеанс и Никс.
Дончиќ против Никс постигна 32 поени, 7 скока и 12 асистенции, додека Џејмс натпреварот го заврши со 31 поен, 12 скока и 8 асистенции.
Џејлен Брунсон беше најдобар играч за Никс со 39 поени и 10 асистенции.
Резултати:
ЛА Лејкерс - Њујорк 113:109
Орландо - Чикаго 123:125
Атланта - Индијана 124:118
Бостон - Филаделфија 123:105
Бруклин - Голден Стејт 119:121
Њу Орлеанс - Хјустон 97:109.
