Како што сугерира името, заболувањето замастен црн дроб е предизвикано од вишокот маснотии во црниот дроб.
Познато и како neaлкохолна масна болест на црниот дроб, може да има малку или никакви симптоми во најраните фази. Меѓутоа, како што напредува, може да предизвика повеќе оштетување на црниот дроб, што на крајот ќе резултира со одредени знаци, од кои еден е особено забележлив.
Напредната масна болест на црниот дроб може да доведе до цироза, а еден од симптомите е особено забележлив при мокрењето, велат лекарите. Имено, се работи за необична боја на урината. Според Клиниката во Кливленд, редовна кафеава или портокалова урина е еден од симптомите на напредната фаза на замастен црн дроб.
„Ова се случува кога во телото се акумулира премногу билирубин, супстанца која се создава при процесот на разградување на старите црвени крвни зрнца бидејќи црниот дроб не ги разградува како што треба, односно нормално“, објаснуваат експертите.
Вообичаени симптоми на замастен црн дроб во рана фаза вклучуваат губење на апетит, чувство на слабост или замор, гадење, треска и неочекувано губење на тежината.
