Техниката за зголемување на пенисот наречена jelqing станува сè попопуларна, а лекарите ги предупредуваат мажите за нејзината опасност.
Имено, овој тренд подразбира влечење и истегнување на пенисот при делумна ерекција. Некои тврдат дека на овој начин може да се зголеми пенисот и да се продолжи ерекцијата. Но, ова е далеку од вистината бидејќи не постојат студии кои ја докажуваат оваа теорија.
Докторката Сара Џарвис изјави дека мажите можe да добијат Пејрониева болест поради оваа техника. Тоа е фиброзно згуснување кое го собира и деформира пенисот, искривувајќи го за време на ерекцијата.
„Обично е видливо само кога пенисот е во ерекција, но сепак може да биде проблематичен бидејќи може да предизвика болна ерекција и да го отежне сексот“, додава таа.
Докторот Џастин Дубин изјави за Psychology Today дека во 2023 година има зголемување на бројот на пациенти со оваа болест. Напомена и дека овој тренд го следат претежно млади мажи.
„Имав мажи кои доаѓаа во мојата канцеларија со модринки, болки и оштетени пениси. Не сум видел да го скршиле пенисот додека ја практикуваат оваа вежба. Сепак, овој ‘трик’ на кој мажите прибегнуваат може да го зголеми ризикот од развој на Пејронова болест во иднина, која може да им ги намали пенисите“, рече тој.
