Кога Индра Ноји стана извршна директорка на Pepsi во 2006 година, веднаш отишла кај Стив Џобс по совет и помош.
„Љубезно се согласи да помине некое време со мене“, рече во една прилика Ноји и додаде дека разговарале околу три часа.
„Лекциите што ги сподели со мене беа феноменални“, вели таа и додава дека многу од нив применила во својата работа.
Ноји, една од најмоќните жени на светот, на 3 октомври ќе се повлече од позицијата по 12 години на чело на гигантот и сега ги споделува трите најважни лекции што ги научила од основачот на Apple и бизнис гуру.
Верувај во својата визија
Една од најкритичните лекции што Ноји ја научила за работата од Џобс е тоа колку е важно да останете верни на вашата визија. Тој ја научил како да го земете она во кое навистина верувате и да се држите до тоа, бидејќи, како што вели Ноји, „светот сака да се смените“.
Тоа го сменило начинот на кој размислува и почнала да гледа на Pepsi како на своја компанија и на себе како нејзин лидер, што ѝ дало сила да прави промени. Тоа ѝ овозможило да остане на таа позиција толку многу години, бидејќи сметала дека има право да носи радикални одлуки.
Остави свој печат
Прво прашање што Џобс ѝ го поставил на Ноји било како планира да остави свој печат во Pepsi. За неа приоритет бил дизајнот и сфатила колку е важно поврзувањето со секојдневниот живот на купувачот. Гледала како промените на пакувањето влијаат на муштериите и ѝ било важно како производите се поставени на полиците во маркетите и продавниците.
Никогаш не го заборавила неговиот совет и во првите неколку години на директорската позиција одела во продавниците секоја недела и ги фотографирала производите, а потоа им праќала критики и сугестии на тимовите за дизајн и маркетинг.
Биди малку злобна
Ноји е на чисто за една работа во бизнисот, а тоа го научила од Џобс: Биди балку злобна.
Стив ѝ рекол: „Ако некогаш не го добиеш тоа што го сакаш, а веруваш дека тоа е вистинското нешто за компанијата, во ред е да почнеш да расфрлаш сѐ околу себе.“
За работата ваквите испади понекогаш се начин да се сврти вниманието на работите кои се навистина важни.
„Луѓето ќе зборуваат за тоа и ќе знаат дека ви е важно.“
Ноји подоцна разговарала со партнерите на Џобс во Apple и се уверила дека навистина бил таков – ако некој му претставел дизајн на производ што не му се допаѓал, почнувал да се расфрла со документи низ канцеларија и барал да работат цела ноќ додека не се најде решение.
Таа прво фрлала весници, а подоцна и столици, а се научила и да го повиши тонот.
