Кошарка

Ленард го реши тексашкото дерби, Кливленд загуби од Мајами

7. март 2017 - 11:38 | Макфакс

Дуелите помеѓу Сан Антонио и Хјустон, односно Кливленд и Мајами ја обележаа синоќешната програма во НБА лигата.

Каваи Ленард белскаше во дербито на Тексас кое по голема борба му припадна на Сан Антонио. Спарси го совладаа Хјустон со 112:110, Ленард најпрвин погоди тројка во финишот преку Нене Иларио, а потоа во последниот напад го блокираше Џејмс Харден.

Ленард натпреварот го заврши со 39 поени, 6 скока, 5 асистенции и 2 блокади. Ист број на поени постигна Харден на спротивната страна.

Кливленд неочекувано загуби од Мајами со 98:106, а мечот го обележа повредата на Ендру Богут, кој ја скрши потколеницата по 58 секунди игра во дебито за Кливленд.

Мајами до победата го предводеа Дион вејтерс и Горан Драгиќ. Вејтерс против својот поранешен тим постигна 29 поени, додека Словенецот имаше учинок од 21 поен и 5 асистенции.

Ирвинг и Леброн Џејмс единствени кај Кливленд постигнаа двоцифрен број на поени. Ирвинг уфрли 32, а Џејмс на 30-те поени придодаде 17 скокови и 6 асистенции.

Резултати:

Кливленд-Мајами 98:106

Орландо-Њујорк 105:113

Филаделфија-Милвоки 98:112

Атланта-Голден Стејт 111:119

Шарлот-Индијана 100:88

Мемфис-Бруклин 109:122

Сан Антонио-Хјустон 112:110

Јута-Њу Орлеанс 88:83

ЛА Клиперс-Бостон 116:102

Денвер-Сакраменто 108:96

Детроит-Чикаго 109:95. 

Коментирај