Кошарка

Ленард за повредата на Дурант: Ќе се врати посилен

11. јуни 2019 - 18:43 | МИА

Лидерот на Торонто, Каваи Ленард, ја прокоментира повредата на Кевин Дурант.

Ѕвездата на Голден Стејт доби повреда на Ахиловата тетива на десната нога во петтиот финален натпревар меѓу „воините“ и „диносаурисите“, а неговиот колега од канадскиот тим изрази уверување дека Кеј Ди ќе се врати посилен од порано.

„Кога помислив на ситуацијата, тоа навистина е ужасно. Работиш толку напорно за да стигнеш до овој момент. Ова се последните натпревари сезонава. Сочувствувам со него. Сум бил во слична ситуација и му посакувам брзо закрепнување. Се надевам дека ќе биде силен психички во целиот процес на закрепнување. Сите ние работиме неверојатно напорно за да бидеме во НБА и да стигнеме до финалето. Убеден сум дека тој ќе се врати посилен“, изјави Ленард, кој беше во слична ситуација во претпоследната сезона во Сан Антонио.

Тогаш 27-годишниот кошаркар одигра едвај 9 натпревари, бидејќи долго време се опоравуваше од повреда на мускулот на бутот.

Коментирај