Леонардо Дикаприо важи за едно од најпознатите имиња во светот и во Холивуд, а важи и за еден од најдобрите актери на својата генерација. Некои од неговите најзначајни улоги се Џек во „Titanic“ и Џордан Белфорт во „The Wolf of Wall Street“, а за улогата во „The Revenant“ доби и Оскар.
Кариерата ја започна во серијата „Growing Pains“, а неговата улога во филмот „What's Eating Gilbert Grape“ од 1993 година го привлече вниманието на критиката и публиката.
Истата година глумеше во филмот „This Boy's Life“ заедно со Роберт Де Ниро. Го опиша тоа искуство за Time Out како едно од најважните во неговата кариера.
„Имав 15 години и се сеќавам на секој детаљ. Сè беше ново за мене. Гледањето на Роберт Де Ниро на снимањето, гледањето на неговата посветеност беше едно од најважните искуства во мојот живот“, изјави Дикаприо.
Зборувајќи за тоа која ја смета за најдобра актерка, откри дека најмногу е импресиониран од Мерил Стрип, со која работеше на филмот „Marvin's Room“ од 1996 година.
„Имав 18 години кога работев со Мерил. Гледајќи ја зад камерата размислував како ќе биде нејзината изведба на екранот, а подоцна кога го гледав филмот во кино помислив дека таа е без сомнение најдобрата актерка во светот“, објасни Дикаприо.
Соработката со Мерил Стрип продолжи во филмот „Don't Look Up“ каде што се пробаа во нетипични улоги. Дикаприо низ годините доби многу номинации за Оскар, но дури со улогата во филмот „The Revenant“ од 2015 година ја доби престижната награда и потврди зошто важи за еден од најголемите актери на сите времиња.
