Спортскиот директор на парискиот гигант не ја исклучува можноста дека Кристијано Роналдо би можел да биде наредното големо име кое ќе ги засили „Светците“.
„Нормално е да го поврзуваат со ПСЖ бидејќи ПСЖ е дел од оној тесен круг на клубови кои можат да си го дозволат. Иако ситуацијата е комплицирана за сите, трансфер пазарот е повеќе прашање на можност отколку на планирање. Понекогаш се случуваат неверојатни работи, што не беше случај за време на последниот трансфер период“, вели Леонардо кој всушност одговараше на прашања поставени од навивачи преку Twitter.
Воедно, тој откри дека ПСЖ не планира да се раздели со ѕвездите Нејмар и Мбапе и сака да им ги продолжи договорите кои на двајцата им истекуваат во јуни 2022 година.
„Веќе некое време како разговараме со двајцата, но дури сега работите стануваат појасни и преговорите поинтензивни. Нашата цел е иднината да ја градиме околу нив“.
