Од пире од компир може да се направат убави и вкусни домашни лепињи, а овој рецепт се прави за помалку од половина час.
Нема ништо подобро од тоа кога ќе послужите домашни лепињи за појадок или вечера. Овој пат ви предлагаме нешто малку поинакво и поедноставно, но исто толку вкусно. Станува збор за лепињи направени од пире од компири и наполнети со печурки и кашкавал. Никогаш не сте пробале нешто подобро, а за подготовка ќе ви треба околу половина час.
Потребни состојки:
За тестото:
- 1 голем компир
- 80 гр скроб од компир
- 3 прстофати сол
- 1 лажица шеќер
- 1 лажица несолен путер од собна температура
За полнењето:
- 130 гр печурки
- 20 гр несолен путер
- 1 чешне лук
- 1 мал кромид
- 3 лажици пармезан
- 100 мл млеко
- 1 лажица брашно
- кашкавал
- сол
- бибер
Подготовка:
Во тава растопете го путерот, па пропржете го ситно исечканиот кромид, а кон крајот додадете толчен лук. Потоа додадете ги исечканите печурки и кога малку ќе се испржат прелијте со пармезан и млеко. Промешајте, па додадете брашно и кога смесата малку ќе згусне, посолете и побиберете. Промешајте уште еднаш и тргнете го од шпоретот.
Сварете и испасирајте ги компирите. Потоа додадете сол, шеќер, путер и скроб и сè добро измешајте. Земете малку смеса од компири, разредете ја во раце, па прелијте со фил од печурки и сечкан или рендан кашкавал (може да користите и сирење доколку така ви е повкусно). Обликувајте топка и притиснете малку со раце за да стане како плескавица. Пржате од двете страни во тава на малку загреано масло.
