Лесна салата од леќа и батат е многу едноставно јадење инспирирано од Медитеранот. Се служи со прелив од фета сирење и сенф.
Потребни состојки:
- 270 гр батат (сладок компир)
- 425 гр леќа
- грст листови свеж босилок
- 60 гр фета сирење
- 3 лажици маслиново масло
- 2 лажици свеж сок од лимон
- 1½ лажица сенф
- 1 мало чешне лук
- 1 лажичка мелен ким
- 1 лажичка пипер
- ½ лажичка сол
- ⅛ лажичка бибер
Подготовка:
За да ја подготвите салатата, загрејте ја рерната на 200°C. Излупете го и исечете го слаткиот компир на коцки од 2,5 см и ставете ги во плех за печење. Намачкајте со малку маслиново масло, 2 прстофата сол и прстофат бибер и печете 20 до 30 минути, или додека компирите не омекнат.
Исцедете ја и исплакнете ја конзервираната леќа. За преливот, во помал сад изматете 3 лажици маслиново масло, 2 лажици свеж сок од лимон, 1½ лажица сенф, 1 изрендано мало чешне лук, 1 лажичка мелен ким, 1 лажичка пипер, ½ лажичка сол и ⅛ лажичка бибер, сѐ додека сѐ добро не се соедини.
Во поголем сад додадете ги печените компири, леќата, преливот, листови свеж босилок и измешајте додека не се соединат. Вкусете и прилагодете ги зачините пред сервирање. По желба додајте распарчено фета сирење, а послужете гарнирајќи со листови зелена салата.
