Лестер се жали на примениот гол, веруваат дека ВАР ги измамил со различните кадри

Не требаше многу време за повторно да се крене прашина во англиската Премиер лига околу одлуките на ВАР, а најновата жртва е Лестер.

Минатиот викенд повратникот Лестер водеше со 2:0 на гостувањето кај Кристал Палас, а на почетокот на вториот дел домашните намалија на 2:1 со голот на Жан-Филип Матета.

Во 47. минута голот на Матета беше поништен од судијата Тони Харингтон поради офсајд на асистенција на неговиот помошник, но од ВАР собата му порачаа да почека со продолжението на играта додека не ја прегледаат снимката.

По кратко размислување, од ВАР му рекоа на Харингтон да ја откаже својата одлука и да го признае голот бидејќи по исцртувањето на линиите Матета не бил во офсајд.

Матета потоа погоди и во последните моменти од натпреварот за конечни 2:2, а денеска Лестер се жалеше на одлуката на ВАР бидејќи сметаат дека се оштетени.

Имено, англиската Премиер лига направи профил за оваа сезона на социјалната мрежа Х каде ги објавуваат сите ВАР одлуки, а на него објавија две фотографии на кои Матета не е во офсајд по исцртување на линиите.

Сепак, во Лестер не веруваат дека двете фотографии се потполно од истиот момент на натпреварот, бидејќи на едната не се гледа моментот во кој Тајрик Мичел ја уфрла топката, додека на другата се гледа дека Матета навистина е во офсајд.

Полуавтоматската офсајд технологија, која е непогрешлива во овие ситуации, во Премиер лигата ќе биде воведена дури во октомври, а Лестер побара детална анализа и објаснување на ситуацијата, но навистина е тешко да се очекува дека одлуката ќе биде променета.