Лет на Emirates удрил во јато фламинга, усмртил околу 40

Мумбај, главниот град на Махарастра во Западна Индија, е познат по тоа што има голема популација на розовите птици.

Труповите на околу 36 фламинга беа пронајдени во Мумбај, финансискиот главен град на Индија, во понеделникот вечерта. Според Times of India, птиците биле погодени усмртени од летот EK 508 на авиокомпанијата Emirates неколку моменти пред да слета авионот тип Boeing 777-31H(ER).

Мртвите птици се пронајдени во населбата Гаткопар во Мумбај, блиску до аеродромот. Авионот исто така бил оштетен за време на судирот и неговиот повратен лет за Дубаи е откажан, покажа веб-страницата за следење Flightradar24.

Околните жители првично откриле скршени парчиња крила, клунови и канџи расфрлани на голема површина, по што ги предупредиле шумските власти. Локалните власти започнаа операција за пребарување за да откријат дали во несреќата загинале уште фламинга.

Според Д. Сталин, локален екологист, цитиран од Hindustan Times, новите далноводи изградени во областа ги „дезориентирале“ птиците, што ја предизвикало несреќата.

Паван Шарма, основач на Здружението за заштита на дивиот свет (RAWW), рече дека труповите се испратени на обдукција за да се утврди „точната причина за нивната смрт“, според NDTV. RAWW е локална невладина организација која се обидува да ги реши конфликтите меѓу луѓето и дивиот свет и да промовира зачувување на дивиот свет во урбаните средини.

Фламинга се наоѓаат на неколку локации низ Индија, особено во текот на зимската сезона. Во Мумбај, голем број птици живеат во калливите подрачја Севри, мочуриштен регион. Засолништето „Thane Creek Flamingo“ на периферијата на градот и „Bhigwan“ на околу 100 километри од градот Пуна, се други места во државата Махараштра каде што овие егзотични птици се наоѓаат во изобилство.

Индија има најголема популација на помали фламинга надвор од Африка, главно во солените пустини на западната држава Гуџарат.