Словачката компанија „AeroMobil“ го претстави својот прототип на летечки автомобил на Саемот во Франкфурт.
AeroMobil 4.0 е значително подобрена верзија на оригиналниот прототип 1.0 што беше претставен уште во 1990 година. Најновиот прототип првично беше откриен во април и има стотина подобрувања во споредба со концептот 3.0 што дебитираше во 2014 година.
Иако е потполно нов, AeroMobil 4.0 сепак личи на претходните прототипи. Доби нова mono cockpit шасија слична на онаа на суперавтомобилот на McLaren. Сигурноста е на високо ниво, а освен воздушни перничиња, има и падобран за итни ситуации.
Автомобилот има 2.0-литарски мотор со четири цилиндри и турбополнач чија снага се префрла на предните тркала преку систем на електричен погон. Напредниот систем содржи електронски диференцијал и адаптивен пренос, како и потполно автономна дигитална управувачка единица, или скратено FADEC.
Со оглед на тоа дека верзијата 3.0 развиваше 100 коњски сили, реално е да се очекува дека новиот автомобил ќе биде во најмала рака подеднакво снажен.
Компанијата ќе почне да прима нарачки до крајот на годината, а првата испорака се очекува во 2020 година.
Се претпоставува дека AeroMobil 4.0 ќе чини околу 1,5 милиони долари.
