Оваа салата може да биде вкусна ужина или оброк кога не сте премногу гладни.
Состојки:
Четири шолји шери домати
Две-три лажички маслиново масло
Шолја кускус
Шолја и пол леблебија
¼ лажичка мелена пиперка
1 лажичка сок од лимон
1 чешне лук
Малку мајчина душичка
Две краставици
50 гр. фета сирење
Сол и бибер по вкус
Начин на подготовка:
Две шолји од шери доматите исечете ги на половина, попрскајте ги со маслиново масло, бибер и сол, наредете ги во тава обложена со хартија за печење, па печете во рерна на 150 степени околу еден час. Извадете од рерна и ставете ги на страна.
Кускусот подгответе го според упатството за употреба, а потоа леблебијата наредете ја во тава обложена со хартија за печење, попрскајте со маслиново масло, сол и бибер. Печете на 200 степени околу 20 минути. Издадете од рерна и одозгора посипете малку мелена пиперка. Во сад помешајте лажица маслиново масло, лимунов сок, ситно исецкан лук, мајчина душичка, ¼ лажичка сол и малку бибер. Додајте кускус и измешајте.
Преостанатите шери домати исечете ги на половина, додајте ги во садот со кускус, а потоа додајте го претходно испечениот домат, леблебија, босилек, краставица исецкана на коцки и фета сирење. По желба додајте сол, бибер, маслиново масло и промешајте.