Летото е идеално за освежителен овошен сладолед од банани и по некоја капка млеко, рецепт кој е хит веќе неколку години, но и идеална замена за класичниот сладолед.
Има многу помалку „лоши“ калории, а може да го направите на следниот начин.
Бананите мора да бидат зрели, но не и презрели. Кога ќе почнат да добиваат кафени точки, излупете ги и сечете на кругови, па ставете во замрзнувач.
Помали парчиња банана ќе помогнат побрзо да се измелат во блендерот и претворат во кремаст сладолед, без остатоци од парчиња замрзната банана.
Тоа значи дека треба да бидат во замрзнувач најмалку 3 часа пред да почнете да го подготвувате сладоледот. Инаку ќе добиете смуди, што и не е толку лошо, но овој пат правиме сладолед
За кремаст сладолед е потребно да додадете малку течности, најдобро бадемово млеко.
