Потребна ви е инспирација за претстојното лето? Од светските туристички дестинации Египет и Тунис полека но сигурно се враќаат на туристичката мапа, а на неа слободно можете да ги додадете Шри Ланка, Куба и Етиопија како дестинации со голем број на туристи.
1. Каиро, Египет
Египет зад себе остави неколку тешки години после терористичките напади од 2011 година. И покрај тоа, многу туристички дестинации останаа и понатаму популарни, а Каиро се смета безбедно место за престој. За среќа, 2017 беше прва година во која Египет помина како задоволен со бројот на туристи, а очигледно е дека ниту еден терористички напад не може да фрли сенка на единствената култура и неверојатна античка историја која ја поседува оваа земја.
2. Хавана, Куба
Ладната војна потполно ја избриша Куба од туристичката мапа, но во последните неколку години со доаѓањето на се поголем број на туристи на Карибите, полека им станува јасно дека Кубанците се топол и великодушен народ, кој од социјализмот направи вистинска уметност на секој чекор. Нивната љубов кон Фидел Кастро и Чегевара може да се почувствува на секој билборд, зграда и плоштад во Хавана. Секој кој ја има посетено Куба посакува повторно да се врати.
3. Тунис
Оваа земја ја доживеа судбината на Египет после терористичкиот напад на плажа во 2015 година. Од тогаш туризмот во оваа земја се случуваше само на црно, а смртта на 38 луѓе долго се паметеше. Хотелот во кој се изврши масакрот повторно се отвори во 2017 година, што беше знак дека Тунис повторно го промовира својот туризам. Веќе во 2017 година е забележан пораст на туристите од 23 отсто во однос на претходната година, а насилството ниту овој пат не успеа да ја засени богатата култура на Тунис.
4. Унаватуна, Шри Ланка
После 30 години цивилна војна и катастрофалното цунами од 2014 година, бисерот на Индискиот океан доживува своја ренесанса. Богатото културно наследство и мноштвото зеленила се повеќе ги привлекуваат туристите од целиот свет, а Унаватуна поради интересните прашуми и рајски плажи стана многу популарно место за одмор.
5. Санети Плато, Етиопија
Етиопија некогаш беше синоним за суша и глад, но во последните три децении работите драстично се променија во позитивна смисла. На огромниот пејзаж во Етиопија доминираат планини, клисури и шуми, кои ја сочинуваат големата долина Рифта. Иако многумина имаат слушнато за убавите планини со кои изобилува оваа земја, сега можете да бидете меѓу првите кои ќе го доживеат најдоброто од етиопските неверојатни убавини во Санети Плато.