Поради повреда на препоните најдобриот играч на Баерн нема да биде во можност да го загрозува голот утре против Олимпијакос и во сабота против Борусија.
Баварскиот клуб остана без тренерот Робет Ковач по бламажата во Франкфурт кога загуби со 5:1 од Ајнтрахт, а сега поради повреда од комбинација отпадна и најдобриот стрелец Роберт Левандовски.
Полјакот има повреда на препоните која дури бара и мал хируршки зафат по што ќе мора да мирува две недели. Доволно за да не му биде на располагање на тренерот Ханс-Дитер Флик кој фигурира како вршител на должност сѐ до назначувањето на наследник на Ковач.
Левандовски освен утрешниот дуел од Лигата на шампионите против Олимпијакос, ќе го пропушти и големото дерби со Борусија од Дортмунд во сабота, а според прогнозите треба да се врати веќе наредното коло против Фортуна.
Нема да биде во комбинација ниту за репрезентацијата на Полска на последните два квалификациски натпревари за пласман на ЕУРО 2020, но тоа нема многу да ги погоди Полјаците бидејќи веќе имаат обезбедено место на завршницата.
