Полјакот Роберт Левандовски е добитник на наградата на ФИФА за најдобар играч за 2020 година, како што и многумина се надеваа и почекуваа.
Во конкуренција на великаните Кристијано Роналдо и Лео Меси, победник е Роберт Левандовски. Голгетерот кој растураше сезонава во Баерн и ги освои сите можни трофеи сега дојде и до најпрестижната индивидуална награда.
Заслужено во гласањето кое вклучуваше навивачи, новинари, селектори и репрезентативни капитени Полјакот е победник. И тоа победник пред фудбалери како Роналдо и Меси, кои, сепак, сезонава не заслужија да бидат на неговото место. Прашање е дали требаше да бидат и меѓу тројцата финалисти, но тоа сега не е ни важно. Важно е дека победи најдобриот, а тоа е Левандовски.
Популарниот Лева победи во неговата прва номинација. Ако лани сите очекуваа победа на Вирхил ван Дајк, а победи Меси, овој пат победи најдобриот.