Минхен, 10 октомври 2018 (МИА) - Голгетерот на Баерн Минхен Роберт Левандовски потврди дека во текот на летото добил повеќе понуди. По крајот на сезоната, неговиот агент откри дека напаѓачот сакал да ја напушти „Алијанц арена“ поради недостаток на поддршка од раководството.
Полјакот беше несреќен бидејќи на крајот на кампањата бил посочуван како виновник за раната елиминација во Лигата на шампионите. На крајот, сепак, Лева остана во тимот.
- Не сум разочаран што не заминав. Но, кога почувствував поинаков став од клубот кон мене, одлучив отворено да го кажам тоа. Сакав да покажам дека ако нешто не ми се допаѓа, можам и да си заминам, изјави Левандовски за полското издание на Sportowe Fakty.
Му било загарантирано дека ќе биде меѓу најважните играчи и се откажал од неговите планови да се спакува. Но, тој исто така бил свесен дека клубот тешко ќе го продаде.
- Знаев дека каква понуда ќе пристигне, одговорот од Баерн ќе биде „Не, не, не“. Само сакав да го изразам своето незадоволство. Останувам тука и повторно се борам за да ги постигнам највисоките цели, увери 30-годишниот фудбалер.
