Левандовски стигна рекорд на Роналдо во ЛШ

Синоќа во натпреварот од 2. коло од Лигата на шампионите на стадионот Монжуик во Каталонија, фудбалерите на Барселона остварија победа од 5:0 над Јанг Бојс, а Роберт Левандовски постигна два гола.

Левандовски беше стрелец на првиот и четвртиот гол на натпреварот и на тој начин успеа да постигне подвиг каков што досега имал само Кристијано Роналдо во Лигата на шампионите.

Имено, по Роналдо, Левандовски стана вториот фудбалер кој по 30-тата година успеал да постигне 50 или повеќе голови во Лигата на шампионите, најелитното клупско натпреварување во светот.

Левандовски со двата гола синоќа стигна до бројката од 50 погодоци по 30-тиот роденден, а Роналдо има 68 на своето конто.

Инаку, Левандовски има вкупно 96 постигнати голови во Лигата на шампионите, а првиот го постигна во дресот на Борусија Дортмунд во 2011 година, кога Милионерите беа поразени со 3:1 на гостувањето кај Олимпијакос.