Повратникот во ЛА Лига Леванте во чии редови блеска македонскиот репрезентативец Енис Барди е најпријатното изнеадување во шпанскиот фудбал на почетокот на новата сезона.
Леванте во последниот натпревар од петтото коло го победи Реал Сосиедад со 3:0, а Барди со гол од слободен удар ја запечати втората сезонска победа на својот тим. Македонскиот репрезентативец во 89 минута го постигна својот трет гол во Ла Лига.
Претходно Леванте поведе во 42.минута со спектакуларниот гол на Чема, а во 75.минута Моралес од пенал го постигна вториот гол.
По пет кола во Ла Лига, Леванте е во групата тимови (Барселона, Севилја, Атлетико и Валенсија) кои немаат пораз.
Со скор од две победи и три нерешени средби, Леванте се наоѓа на петтото место на табелата.
Во наредното коло Леванте ќе му гостува на Бетис.